Ja çka bëjnë njerëzit në botë para Vitit të Ri

nga **SHKELBA** Sat Jan 03, 2015 12:39 am

Me siguri një nga paragjykimet më të përhapura në lidhje me Vitin e Ri është ajo se duhet të veshim të brendshme të kuqe në prag të Vitit të Ri, gjë e cila sjell fat dhe dashuri gjatë gjithë vitit.

Por, sipas një thënie të vjetër, sa më shumë njerëz, aq më shumë zakone, bëjnë që të mos mungojnë besimet e ndryshme në lidhje me festën e Vitit të Ri.
Besëtytnitë universale: Besimi në të brendshme të kuqe është i pranishëm përreth globit dhe ka edhe mjaft të tjera. Këtu janë vetëm disa:
Në Vitin e Ri nuk duhet të hyjmë me borxhe, sepse borxhi do t’ju ndjekë gjatë gjithë vitit.
Nuk duhet ngrënë shpezë, sepse shpezët vazhdimisht kruhen, gjë e cila mund të shpërndajë lumturinë përreth dhe në qoftë se veproni ashtu, vazhdimisht do të silleni rreth e rrotull në të kaluarën.
Nuk duhet të marrim asgjë nga shtëpia, por as të shkunden thërrimet nga mbulesa e tavolinës. Përndryshe, pason një vit me probleme financiare.
Viti i Ri duhet të pritet me shumë zhurmë, për shkak se kështu largohen shpirtrat e këqij.
Për fillimin e Vitit të Ri së pari duhet përgëzuar personin e gjinisë së kundërt, për shkak të lumturisë në dashuri.
Kur hapet shampanja, ngrihuni që t’ju godet kapaku! Në mënyrë të veçantë, besohet se në këtë rast pason një vit madhështor. Nëse tapa e shishes nuk ju ka goditur, atëherë sigurohuni që të pini gllënjkën e fundit nga ajo shishe, sepse edhe në këtë rast vijon një vit i shkëlqyer.
A doni të keni lumturi në verën e ardhshme, mysafiri i parë në shtëpi duhet të jetë një person mashkull me flokë të errëta dhe i gjatë, i cili sjell një dhuratë. Nuk do të jetë një vit i mbarë në qoftë se i pari mysafir është një mashkull me flokë të kuqe ose flokëverdhë. Gjithashtu, nëse është një person i gjinisë femërore, duhet përzënë, sepse mund të sjellë fat të keq!
- Në mbarë botën: Në Kubë besojnë se në mbrëmjen e Vitit të Ri duhet të konsumohen 12 kokrra grejpfrut, kurse të fundit duhet ngrënë pikërisht në mesnatë. Ky frutë simbolizon 12 muaj dhe çdo kokërr e ngrënë do të thotë lumturi për një muaj.
Në Filipine tryeza e mesnatës duhet të jetë e mbushur me ushqim të bollshëm, për lumturi dhe prosperitet në verën e ardhshme.
Danezët në prag të Vitit të Ri thyejnë enë jashtë derës së hyrjes. Enët simbolizojnë miqtë dhe sa më shumë enë të thyera, do të ketë më shumë miq në jetë. Prandaj, danezët gjatë gjithë vitit mbledhin enë të vjetra për këtë rast.
Në Japoni i gjithë dhjetori përdoret për planifikimin e festimit të Vitit të Ri. Konsiderohet që duhet falur të gjithë, në mënyrë që të hyjmë krejtësisht të pastër në verën e re. Më 31 dhjetor kambanat e tempujve budistë kumbojnë 108 herë, pasi në këtë mënyrë largohen 108 dobësitë njerëzore.
Në Tibet organizohet parada e Vitit të Ri, e cila zgjat për katër ditë.
Në Amerikën Latine besohet se në mesnatë duhet të ndërrohen të brendshmet, gjegjësisht të vishen ato të verdha. Në Venezuelë, madje, të brendshmet e reja të verdha duhet të vishen mbrapsht kur afrohet ora 12 e mesnatës! Të gjitha këto i bëjnë për fat në vitin e ardhshëm.
Në Kinë shtëpia dekorohet me stolitë e kuqe dhe të gjitha thikat largohen nga shtëpia për 24 orë. Në fakt, askush nuk dëshiron të lëndohet në pritjen e Vitit të Ri, për shkak se kjo do të thotë fat i keq gjatë gjithë vitit.
Në Austri, për drekën e Vitit të Ri është i obliguar derri i pjekur, si simbol i lumturisë dhe prosperitetit. Për ëmbëlsirë kërkohet akullore nga menta në formën e tërfilit me katër fletë.
Zakoni i vjetër sicilian thotë se fati i përqafon ata që në natën e Vitit të Ri konsumojnë lazanja, por kushdo që në atë ditë konsumon makarona do ta përcjellë fati i keq.
Në Spanjë, në mesnatë, duhet ngrënë 12 kokrra rrush, nga një për lumturi në çdo muaj të vitit.
Në Holandë, për Vitin e Ri piqen dhe konsumohen kiflet. Besohet se kjo sjell lumturi.
Në disa qytete të Kolumbisë, familjet simbolikisht festojnë largimin e vitit të vjetër dhe ardhjen e vitit të ri, duke u argëtuar me kukulla. Kukulla e madhe mashkull përfaqëson vitin e vjetër. Kukulla është e mbështjellë në materiale të ndryshme dhe në fund, në mesnatë, hidhet në zjarr.
Këshilla 1: Danezët në prag të Vitit të Ri thyejnë enë jashtë derës së hyrjes. Enët simbolizojnë miqtë dhe sa më shumë enë të thyera, do të ketë më shumë miq në jetë
Këshilla 2: Zakoni i vjetër sicilian thotë se fati i përqafon ata që në natën e Vitit të Ri konsumojnë lazanja, por kushdo që në atë ditë konsumon makarona do ta përcjellë fati i keq.