Shkencëtarët: Bota rrezikon të shkatërrohet nga një vullkan

Shkencëtarët: Bota rrezikon të shkatërrohet nga një vullkan

Fundi i botës ka qënë gjithnjë në imagjinatën e njerëzimit por askush nuk e mendonte se mund të vijë nga shpërthime vullkanike. Pikërisht është ky konkluzioni i disa shkencëtarëve pas një eksperimenti.

Shkencëtarët paralajmërojnë se bota rrezikohet nga shpërthimi i një supervullkani. Sipas eksperimentit të kryer në qendrën "European Synchrotron Radiation Facility" (ESRF) në Grenoble, ata shprehen se vetëm shpërthimi i një magme me vëllim të madh do të sillte supershpërthime të tjera me pasoja katastrofike.

Studimi është kryer nga një ekip zviceran.
Ekspertët bëjnë të ditur se këta "gjigantë të fjetur", të stimuluar nga ngrohja globale e tokës dhe nga presioni i brendshëm, mund të sjellin një fatkeqësi globale.

Një nga shkencëtarët që po merret me këtë fenomen, Wim Malfait tha: "Ne e dimë që ora po troket, por nuk e dimë se sa shpejt mund të ndodhë dhe çfarë duhet për të shkaktuar këtë supershpërthim".

Shkencëtari përmendi rreth 20 qendra vullkanike, që mund të jenë me pasoja katastrofike për njerëzimin.

Ndër qendrat vullkanike më të rrezikshme janë: Liqeni Toba në Indonezi, liqeni Taupo në Zelandën e Re dhe disi më të vogla, qendrat në Phlegraean Fields, afër Napolit në Itali.