Supervirusi i tmerrshem që fshihet nga publiku

nga **Rifat** Wed Jan 04, 2012 6:24 pm

Supervirusi që fshihet nga publiku

Supervirusi i tmerrshem që fshihet nga publiku Faqja%202

Dy eksperimente në Holandë dhe SHBA dokumentojnë ndryshimin në laborator të agjentit patogjen të aviarias, shumë ngjitës dhe i rrezikshëm për njeriun. Një komision qeveritar amerikan kërkon të censurohen të dhënat, duke publikuar vetëm përfundimet, nga frika për një sulm të mundshëm terrorist duke shfrytëzuar pikërisht këto informacione.

Nga njëra anë e drejta për t'u informuar dhe nga ana tjetër rreziku që informacioni mund të përfundojë në duart e gabuara, me pasoja katastrofike. Çështja është ngritur prej kërkesës së pazakontë të komisionit qeveritar amerikan që ka kërkuar censurimin e informacioneve në lidhje me zbulimin e një supervirusi. Komisioni i ka kërkuar dy revistave shkencore "Science" dhe "Nature" të mos publikojnë këto të dhëna.

Sipas ekspertëve qeveritarë publikimi i të dhënave do të ishte shumë i vlefshëm për bioterroristët, prandaj kërkesa për mospublikimin e detajeve të eksperimentit dhe të dhënave mbi mutacionin e virusit duket mëse e justifikuar.

Autorët e publikimeve shkencore dhe kolegët e tyre mbrojnë të drejtën e bashkësisë shkencore për t'u informuar, komisioni në fjalë përgjigjet se do të gjejë një mënyrë që informacionet të jenë të disponueshme për ekspertët me kredencialet e duhura...