Pranë zbulimit të thërrmijës Higgs( thërmijes së zotit)

nga **Rifat** Mon Dec 12, 2011 5:10 pm

Pranë zbulimit të thërrmijës Higgs( thërmijes së zotit)

Shkencëtarët pritet që të prezantojnë të martën prova se kanë arritur të hedhin një sy mbi ekzistencën e thërrmijës Higgs (Higgs boson).

Siç raporton BBC, ndërsa Higgs është një element thelbësor për të kuptuar universin, më përpara askush nuk ka vëzhguar të tilla gjatë eksperimenteve.

Gjatë një konference për shtyp në Gjenevë, ekipet shkencore do paraqesin të dhënat e tyre në lidhje me progresin e bërë në kërkim të thërrmijave në të ashtuquajturin Large Hadron Collider.

Shkencëtarët thonë se akoma nuk kanë mjaftueshëm të dhëna për të shpallur zbulimin final, por janë tepër të entuziazmuar sepse mendohet se i kanë lokalizuar thërrmijat në një qoshe.

Doktor Kristof Rembser thotë se brenda një viti do mësohet nëse ekziston thërrmija Higgs.

“Thërrmija Higgs do jetë një zbulim i madh, por do jetë një zbulim edhe më i madh nëse provojmë se nuk ekziston,” tha ai.

‘Higgs boson’ është thërrmija themelore, një nga bazat e universit. Ajo ashtu njihet si pjesa e munguar në teorinë e fizikës së thërrmijave- të njohur si Modeli Standard- që shpjegon se si ndërveprojnë thërrmijat dhe forcat.