Marsi ne mitologji dhe astrologji

MARSI NË MITOLOGJI:
Planeti Mars e mori emrin e tillë pikërisht për nder të perëndisë së luftës te romakët e lashtë. Grekët e quanin Ares dhe e quajtën zot i luftës, veçori që lidhet ndoshta me ngjyrën e tij. Marsi ishte një hyjni shumë më e rëndësishme për romakët se Aresi për grekët, meqënëse Roma kishte dobësi për luftën dhe artet marciale. Për nder të tij romakët i përkushtuan muajin e parë (të atëhershëm), periudhën e ekuinoksit pranveror si dhe ditën e martë. Ai mbetej vetëm prapa Zeusit të madh. Marsi ishte me fat në luftra e beteja, por pa fat në dashuri. Aresi (Marsi) ishte djali i Zeusit dhe Herës (ose Junos). Ishte i dashuri i Aferdites. Duke përbuzur pajtimet, ai urrente të gjithë zotat e Olimpit. Miku i tij i vetëm ishte Hades (Plutoni), zot i ferrit dhe vdekjes. Aresi paraqitet i egër, me një pamje simpatie dhe i veshur me rrobat e luftës (si një ushtar romak). Ai simbolizon afshin e pranverës dhe konsiderohet mbrojtësi i të korrave. Ai ishte flirtues i madh dhe fëmijët që pati me gra të ndryshme nuk u bënë tjetër veçse cuba, hajdutë, banditë dhe njerëz të dhunshëm. Me 21 mars (dita e parë e Dashit, sunduar nga Marsi) festohet dita e zotit të luftës, Marsit.

MARSI NË ASTROLOGJI:

Marsi përfaqëson aksionin, dëshirën për veprim, vendosmërinë, ambicjen, seksin, energjinë fizike, forcën, inisiativën, kurajon (guximin), nxitjen, dinamizmin, shpejtësinë, dëshirën (për meshkujt), agresivitetin, dhunën, luftën, gjakderdhjen, vrasjen, pasionin, seksualitetin, sadomazokizmin, cilësitë tërheqëse tek një burrë (mashkull), burrërinë, mashtrimin aktivitetin, pushtimin, sigurinë në vetvete, autoritarizmin, entuziazmin, garën, ndeshjen. Por dhe anët negative, si: grindja, mospërmbajtja, urrejtja, flirtimi, hakmarrja, antipatia, kundërshtimi, zemërimi, agresioni, egoismi, nxitimi, pavarësia, padurimi, kokëfortësia, abuzimi, kërcënimi, rreziku, plagosja, aksidentet, operacionet, ushtrinë, aventurat, policinë, armët, armiqtë, rivalët. Marsi simbolizon gjithashtu sportet, ndeshjet, punët që kërkojnë forcë dhe energji fizike, ose lidhjet me zjarrin, metalet apo vegla të rrezikshme, me kirurgjinë, kasapët, luftëtarët, farkëtarët, pilotët, sportistët, mekanikët, drejtuesit, shefat, ndërmarrjet. Lidhet me anën mashkullore dhe simbolizon të dashurin (dashnorin), për një grua përfaqëson mashkullin drejt të cilit ajo ndihet e tërhequr në dashuri (sepse në martesë është Dielli).

www.astro-al.page.tl