Zbulime të mëdha të lashtësisë greke

Zbulime të mëdha të lashtësisë greke

Arkeologët grekë kanë gjetur një skelet dhe një Monument të fshehur në një varrezë në qytetin verior, Amfipolis, gjatë gërmimeve në vendin që mendohet se është ndërtuar rreth kohës së Aleksandrit të Madh.

Sipas Ministrisë greke të Kuluturës, varri u zbulua në dhomën e tretë dhe të fundit të Monumentit.
Nga brenda varri është i lartë 2,35 metra dhe pranë tij u gjendën gozhdë bakri dhe hekur, si dhe kocka dhe copa xhami që shërbenin për dekor. Ndërsa skeleti u gjet brenda dhe jashtë varrit, i ndarë në pjesë.
Arkeologët thanë se varri me shumë gjasa ishte ndërtuar për nder të të ndarëve nga jeta dhe theksuan se personi i vendosur në të duhet të ketë qenë figurë e shquar e kohës, pasi ndërtimi është unik.
Amfipolis ndodhet rreth 100 kilometra në verilindje të Selanikut dhe mendohet se është ndërtuar në shekullin IV para erës së re, gjatë mbretërimit të Aleksandrit të Madh, i cili vdiq në vitin 323 para erës së re. Në kohët e lashta, Amfipolis ishte një bazë e rëndësishme detare.