Idete,shpikjet dhe teknologjia qe do te ndryshoje boten !

nga Lupi Mon Feb 27, 2012 9:25 pm

Teknologjite qe do te ndryshojne boten

Idete,shpikjet dhe teknologjia qe do te ndryshoje boten ! Tecnologia

Dave Evans, shefi “futurist” i Cisco Internet Business Solutions Group, na tregon se si ai e shef boten pas dhjete viteve dhe cilat do te jene teknologjite qe do te kene ndikim me te madh ne jeten tone.

“Ne te ardhmen tone do te kete komponente (te tilla si gjymtyre) robotike”.

Interneti i gjerave- Cisco parashikon se si pajisjet e lidhura me internetin do te arrijne ne kuoten e 50 miliardeve deri ne vitin 2020, qe duket se jane me shume se gjashte pajsisje per cdo person ne Toke. Sensoret inteligjente do te integrohen ne kepuce, ne pajisje per astme dhe pajsijet mjeksore te te gjitha llojeve. Ne Suedi, ekziston tashme nje peme me sensore qe ciceron mendimet e saj.

E ardhmja eshte video- Ne 2008, u gjeneruan rreth 5 exabyte, te informacionit unik te barabare me nje milion dvd. Pas tri vitesh do te jene 1.2 zettabyte, ku nje zettabyte eshte e barabarte me 1.024 exabyte. Pasioni per videot me definicion te larte do te perfaqesoje pjesen me te madhe te kesaj rritjeje.

Sipas Cisco, 91 % e te dhenave ne internet ne 2015 do te jene video.

Re ne horizont- Ne te ardhmen shumica e informacioneve do te arkivohen ne the cloud. Deri me 2020 nje e treta e te gjithave te dhenave, “do te qendrojne“ ose do te kalojne permes colud.

Qarkullimi i pergjithshem per sherbimet cloud do te rriten me 20 % ne vit dhe shpenzimet IT per inovacion dhe cloud computing mund te arrinje ne 1000 miliarde dollare deri ne vitin 2014.

Web me shpejtesi te plote- Dave Evans, shefi 'futurist' i Cisco, tregon se ecuria e rrjetit ne shtepi eshte rritur 170.000 here qe nga viti 1990. Evans disponon 38 lidhjet always-on dhe me shume se 50Mbps te bandes se mjaftueshme per telekonferencat, streaming video, lojra online, te gjitha ne te njejten kohe. Ne 10 vitet e ardhshme pritet qe shpejtesia mes mureve te shtepise do te rritet me 3 milione here.

Shoqeria sociale- Lidhje super te shpejta dhe always-on, do te anullojne distancat mes njerezve. Do te jemi te gjithe te mbeshtjelle ne nje rrjet te madh social, ku informacionet vine ne kohe reale me pare se kanalet zyrtare sic ndodhi me termetin e fundit ne Japoni. Rrjetet sociale do te ndryshojne rrenjesisht kulturen e popujve.

E ardhmja diellore- Popullsia njerezore do te vazhdoje te rritet dhe Evans vlereson se, nje qytet me nje milion banore do te ndertohet cdo muaj per dy dekadat e ardhshme. Metoda me efikase per te siguruar energji elektrike ne qytete jane duke u bere nje domosdoshmeri, vecanerisht te energjise diellore. Shume shkencetare jane duke punuar per te rrezet e diellit ne energji si menyre efikase dhe ekonomikisht e mundur, madje edhe duke perdorur letren, modifikuar ne menyre te pershtatshme, te tilla si panelet diellore.

Objekte “beje vete”- Printerat 3D jane tashme nje realitet, por nuk jane ende ekonomikisht te perballueshme per njerezit e thjeshte. Ato do te jene brenda 10 vitesh. Ne mund te ndertojme objekte te bera vete, shtrese pas shtrese, duke perdorur rreshire sintetike qe fortesohet kur goditet nga rrezet e drites.

Mik robot?- Deri me 2020 robotet do te jene fizikisht superiore per qeniet njerezore dhe te pajisur me nje tru funksional te krijuar nga bashkimi i hardware dhe software. Brenda 2050, shpjegon Evans, numri i roboteve do te kaloje ate te njerezve ne vendet e zhvilluara. Nga viti 2032 do te jene menderisht me superiore dhe ne 2035 do te mund te zevendesojne plotesisht boten e punes.

Trup bionic- Gjithmone sipas Evans, ne 10 vitet e ardhshme teknologjite mjekesore do te bejne hapa te medha duke perdorur fuqine e informatikes te disponueshme ne objekte gjithmone e me te vogla. Pajisje te tilla si nanobots dhe aftesia per te prodhuar organe ne zevendesim do te jene ne rendin e dites.

Do te behemi cyberborg? – Njerezit jane duke hyre ne nje epoke te evolucionit teknologjik. Disa shembuj: Ne korrik te vitit 2009 kerkuesit spanjolle zbuluan nje proteine qe rrit kujtesen fotografike, ndersa ne tetor ne te njejtin vit, shkencetaret italiane dhe suedeze zhvillojne doren e pare artificiale te kontrolluar nga truri. Texas Heart Institute, ka zhvilluar kohet e fundit nje zemer artificiale pa rrahje, por qe gjithsesi ka bere gjakun te qarkulloje.

Kush e di se cfare do te shpiket ne 10 vite?

IDETE QE DO TE NDRYSHOJNE BOTEN!

Pasuria e përbashkët

Shekulli i 21-të do të përmbysë supozimet bazë për jetën ekonomike. Në shekullin e kaluar pamë fundin e dominimit evropian në politikën dhe ekonominë globale. Shekulli i ri do t’i japë fund edhe dominimit amerikan dhe fuqitë e reja do të jenë Kina, India dhe Brazili. Këto vende vazhdojnë të rriten duke “e bërë zërin” të dëgjohet në skenën botërore. Ndryshimet e këtij shekulli do të jenë edhe më të thella se ribaliancimi i ekonomisë dhe gjeopolitikës.

Sfidat janë mbrojtja e mjedisit, stabilizimi i popullsisë së botës, ngushtimi i hendekut mes të pasurve dhe të varfërve dhe fundi i varfërisë.

Fundi i shërbimit të klientit

Në vitin 1916, banorët e Memfis s’kishin parë ndonjë herë diçka të tillë. Më parë klientët u jepnin porosinë shitësit, dhe ai rrëmonte prapa banakut në kërkim të artikujve të kërkuar. Vite më vonë klientët provuan për herë të parë vetë-shërbimin. Ata merrnin çfarë të donin dhe paguanin tek dera. Kjo mënyrë blerjeje fillimisht ishte e pëlqyer, pasi të jepte mundësinë të kontrolloje gjithçka personalisht, por sot është kthyer në mënyrën e vetme të blerjes. Kompanitë e duan vetë-shërbimin, për shkak të parave që kursen. Nevoja për të bashkëvepruar me njerëzit shumë shpejt po zhduket, duke shënuar kështu dhe fundin e shërbimeve ndaj klientëve.

Era e post-yjeve të filmave

Aktorët popullorë të dekadave të fundit si Robert Redford, Meryl Streep dhe Tom Cruise, janë lënë në harresë. Brezi i ri mendon se i ka dalë moda, ndërsa më të rriturit i kujtojnë me nostalgji. Nocioni i cilësisë së yjeve, të fytyrave të famshme dhe personalitetit magnetik ka qenë besimi i industrisë së filmave që në kohën e Charlie Chaplin dhe Mary Pickford. Gjatë viteve gjati gjithçka në filma ka ndryshuar, por diçka ka mbetur e patundur: emri mbi titullin që shiste bileta. Kjo është arsyeja pse secili prej tyre fitonte 25 milionë dollarë vetëm me një prezantim, se ishin garancia e një investimi që do të kthehej, por sot nuk janë. E vërteta është se Hollivudi po përjeton erën e parë të post-yjeve.

Radikalizmi i ndryshëm

Studimet serioze të terrorizmit gjatë 20 viteve të kaluara janë fiksuar në një pyetje. Pyetja më e përafërt është: “Pse njerëzit bashkohen me grupe terroriste?” Sa më shumë studime, aq më të paqarta zbulimet. Terroristët e ardhshëm janë “njerëz të zakontë” që jetojnë “jetë të zakonta”, konkludoi një raport i ’07-ës. Njerëzit nuk bashkohen me grupe terroriste se janë të varfër, të shtypur apo fetarë. Ata duken se luftojnë vetminë, por jo gjithmonë. Pyetja më e zgjuar që ekspertët sot po bëjnë është: “Pse njerëzit largohen nga grupet terroriste?” Psikologu që ka intervistuar 28 ish-terroristë thotë se ishin të zhgënjyer nga jeta terroriste, se nuk plotësonte fantazinë e menduar.

Kimia e kuzhinës

Kohët kur mamatë shtypnin mishin me vare dhe e krahasonin me pëllëmbën e dorës kanë kaluar. Sot askush nuk i hedh makaronat të ngjisin në mur për të parë në janë zier aq sa duhet. Gatimet në shtëpi janë zëvendësuar me eksperiencën 50-vjeçare të “Kraft Foods” dhe “McDonald’s”. Vendosja e ushqimit në sobë është shkencë, dhe jo art. Ndërkohë që gjithnjë e më pak njerëz gatuajnë për shkak të pjatave vetëm për ngrohje në supermarkata, ushqimet e përgatitura po bëhen gjithnjë e më të lira. Ndryshimi nuk do të jetë aq i vështirë. Shumë shpejt të gjithë do të blejmë ushqime të gatshme dhe do të harrojmë kiminë e kuzhinës.

Inxhinieria tokësore

Me gjithë përpjekjet e shumta të njerëzimit për të ndalur ngrohjen globale, e vërteta është se nuk mund ta mposhtim. Oqeani Arktik, i cili ka përjetuar shkrirjen rekord vitin e kaluar, mund të jetë pa kokrrën e akullit në vitin 2013. Ambientalistët vazhdojnë të insistojnë se njerëzit nuk janë ndërgjegjësuar mjaftueshëm. “Mjaft me ndotjen e Tokës”, thonë ata, por vetëm pak shkencëtarë po mendojnë ta ftohin tokën drejtpërdrejtë përmes inxhinierisë tokësore. Parimi prapa saj është i thjeshtë, efekti serë kompensohet duke zvogëluar sasinë e rrezatimit që vjen në tokë, por teknikat janë ende fantashkencë.

Autenciteti sintetik

Nuk është çudi që në etiketën e salcës që do të blini nesër të lexohet “Shije autentike si domatja e vërtetë”. E vërteta është se gjithnjë e më shumë po promovohen produkte “autentike” dhe puna është bërë serioze. Kjo fjalë përdoret për shitjen e gati gjithçkaje, që nga pijet alkoolike dhe adresat e internetit, birraritë deri te robotët autentikë me njeriun. Jo shumë kohë më parë ishim dëshmitarë të robotit “autentik sintetik”. Lëkura e trupit ishte po aq e lëmuar sa origjinalja, flokët ishin të njëjtë dhe madje edhe cipa e syve. Ky është një fakt i pamohueshëm i shekullit të 21-të, origjinaliteti i të cilit duket se po humbet.

Rreptësia e re

Amerikanët nuk kanë aq para sa për të paguar kreditë e tyre dhe sasinë e parave që kanë harxhuar mbi kartën e kreditit. Ky realitet po i detyron bankat të shkurtohen teksa kreditë e falimentuara po shtrydhin bazat e tyre të kapitalit dhe çmimet në rënie të shtëpive shtrydhin shtesën që pronarët e tyre mund të huazojnë sërish. E kjo me sa duket do detyrojë konsumatorët e ndëshkuar që të ndryshojnë mënyrat e tyre. Të paktën kjo është ajo çka Roseberg parashikon. “Po lind një qëndrim krejtësisht i ri ndaj huasë”, shprehet ai.

Shëndeti i detyrueshëm

Kontrata e shëndetit ndërmjet punëtorëve amerikane dhe punëdhënësve të tyre filloi kur Franklin D. Roosevelt e la shëndetin jashtë Marrëveshjes së Re. Kufizimet në punë dhe rregullat e llogaritjeve i detyruan punëdhënësit t’u ofronin sigurime private shëndetësore punonjësve. Në vitin 1940, 21 milionë amerikanë ishin të regjistruar në planet e planet e kompanive të sigurimeve; në vitin 1950 ky numër kishte arritur 142 milionë. Sigurimet e privatizuara shëndetësore dukeshin si një triumf i kapitalizmit. Ndërsa tani, bosët e kompanive që duhet të paguajnë faturat e shëndetit të punonjësve po i monitorojnë ato në çdo moment për të verifikuar nëse jetojnë në mënyrë të shëndetshme. Nëse jo, ato largohen nga puna.

Ri-hebraizimi i Jezusit

Për shekuj, disiplina e “hebraikëve” të krishterë ka konsistuar fillimisht në një teori pak a shumë të tillë “të krishterët që marrin të gatshme tekstet herreje për të mbështetur kontradiktën tradicionale ndërmjet hebrenjve dhe Jezusit”. Por sot, seminarë në gjithë spektrumin e krishterë mësojnë se “nëse e kupton keq kontekstin hebre, atëherë sigurisht se do kuptosh dhe Jezusin keq”. Ndryshimi erdhi me faza. Në fillim pranimi se Jezusi lindi si hebre dhe veproi si i tillë, pastaj pranimi se ai dhe Pali e shihnin veten si hebrenj edhe pse krijuan atë çka u bë një besim tjetër.

Shpikjet e reja qe do te ndryshojne boten

1'Mega kujtesa

Avancimet në ruajtjen e të dhënave do të bëjnë të mundur që MP3-shi, shumë shpejt të mund të mbajë gjysmë milioni këngë. I bie që të ketë këngë mjaftueshëm për t'i dëgjuar për tre vite.
Studiuesit në "IBM" po perfeksionojnë kujtesën me anë të një teknologjie që përdore elektronet për të ruajtur të dhënat. "Zhvillimi i një kujtese të tillë teknologjike mund t'i japë rrugë krijimit, duke bërë të mundur krijimin e mjeteve dhe aplikimeve që askush s'i ka imagjinuar", u shpreh Stuart Parkin, shkencëtari i cili udhëheq kërkimin.

2'Super atletët

Avancimet në gjenetikë mund të bëjnë të mundur që një atletët të përfundojnë një maratonë për një hapësirë kohore prej 90 minutash. Rekordi aktual në botë për mbarimin e një maratone është pak më shumë se dy orë. Sipas shkencëtarëve, është teorikisht e mundur që të punohet në gjenet njerëzore për të përmirësuar pjesë të trupit që duhen për atletikën. Një ndërhyrje e tillë mund të bëjë të mundur rritjen e përmasave të zemrës dhe qëndrueshmërisë së muskujve, si dhe rritjen e numrit të qelizave që furnizojnë me oksigjen gjakun.

3'Pasardhësi i internetit

Shkencëtarët që kanë ndërtuar internetin tashmë janë në prag të një krijimi të ri, i cili do ta lërë shumë pas internetin. Ky shpikje do të ketë emrin "the grid" dhe do të mundësojë një shpejtësi rreth 10 mijë herë më të shpejtë se ajo që ofron aktualisht interneti. Kjo shpije e re do t'u japë mundësinë përdoruesve të transmetojnë imazhe të shkruara me dorë, të luajnë lojëra në kohë reale kundër ose me qindra mijëra persona të tjerë. Një avantazh tjetër i kësaj shpikjeje do të jetë mundësia për të shkarkuar muzikë në sekondë.

4'Celularët e ardhshëm

Kompanitë e telefonave celularë po kërkojnë për mënyra se si mund të përfshijnë teknologjinë nano në produktet e tyre. Këto avancime mund të çojnë në krijimin e celularëve që mund të rregullohen vetë. Aparaturat gjithashtu mund të karikohen në mënyrë automatike, me anë të forcës diellore. Telefoni i paraqitur në fotografi është një "Nokia Morph" konceptual, i cili mund të përdoret si byzylyk. Kur përdoruesit t'i duhet të bëjë telefonatë, ai ndryshon formë duke u kthyer në telefon të zakonshëm.

5'Mjekësia robotike

Nanorobotikët, të cilët mund të funksionojnë në trupin e njeriut janë dhe disa kohë larg, por mjekësia robotike është tashmë një realitet. Kjo shkencë në zhvillim përdor pjesëza me masën e molekulave për të vënë në objektiv qeliza specifike njerëzore. Për shembull, ilaçet që përdoren në kimioterapi mund të transportohen direkt e tek qelizat kanceroze, duke minimizuar kështu rrezikun dhe pasojat negative që ato shkaktojnë në shëndet.

6'Përcjellësit e vegjël

Zhvillimi për përcjellësit më të vegjël të botës ka hapur rrugë për pajisje elektronike shumë të vogla në përmasa. Këto përcjellës kanë trashësinë e një atomi dhe gjerësinë e përmasave të dhjetë atomeve. Ky zhvillim mund të bëhet i mundur nëpërmjet përdorimit të një materiali që quhet "grafen (graphene)", i cili pritet të përdoret shumë shpejt në vend të silikioint për krijimin e mikroçipëve. Duke qenë se përcjellësit përbëjnë bazën e thuajse çdo pajisjeje elektronike.

7'Udhëtimi hapësinor

Nano-teknologjia ka aftësinë për të bërë udhëtimin ditor në hapësirë realitet. Tubat "nano" prej karboni, një material 100 herë më i fortë se çeliku, mund të përdoren për të krijuar një kabull që lidh një stacion në hapësirë me tokën. Mund të imagjinohet se çfarë gjatësie duhet të kenë këta tuba, ndërkohë që zhvillimi që kjo do t'i sillte njerëzimit është thuajse i paimagjinueshëm. Me anë të kësaj strukture do ishte e mundur që njerëzit të udhëtonin në hapësirë si me ashensor. Sipas shkencëtarëve, kjo teknologji mund të bëhet e mundur brenda 50 viteve.

8'Ekranet super të hollë

Pasardhësi i ekranit plasma dhe LCD është në prodhim e sipër. I quajtur OLED (Organic Light Emitting Diode), ky lloj ekrani është ultra i hollë, aq i hollë sa mund të mbështillet dhe kërkon një fraksion të energjisë. Ai është gjithashtu më lirë për t'u prodhuar, duke hapur kështu rrugë për krijimin e ekraneve gjigandë. Me zhvillimin e teknologjisë do të ishte teorikisht e mundur që ekranet OLED të përfshiheshin dhe në rroba, kështu që njerëzit për shembull, të kishin një televizor të ndërtuar në krahun e xhaketës.