Zbulohet varri i Aleksandrit të Madh

nga **Nikolaos** Sat May 03, 2014 10:43 am

Një ekip arkeologësh dhe historianësh nga Qendra Polake e Arkeologjisë kanë zbuluar (në prill 2014) një mauzoleum prej mermeri dhe prej ari që mendojnë se është varri i Aleksandrit të Madh. Kjo vendndodhje gjendet në zonën e njohur si Kom el-Dikka në zemër të qendrës së Aleksandrisë, vetëm 60 metra larg nga xhamia e Nebi Daniel.

Me sa duket, momumenti ishte mbyllur hermetikisht dhe fshehur në shekullin e tretë ose të katërt e.s, për të qënë i mbrojtur nga shtypja kristiane dhe shkatërrimi i monumenteve pagane pas ndryshimit të fesë zyrtare në Perandorinë Romake. Ka një dëshmi për natyrën multikulturore të perandorisë së Aleksandrit, ku kombinohen ndikime artistike dhe arkitekturale të kulturave greke, egjiptiane, maqedonase dhe persiane. Mbishkrimet janë kryesisht në greqisht por janë gjithashtu edhe disa hieroglife egjiptiane, ku thonë që mauzoleumi i dedikohet “Mbretit të Mbretërve, dhe Pushtuesit të Botës, Aleksandrit III”. Ky zbulim është jashtëzakonisht i rëndësishëm sepse na jep informacione të reja për Aleksandrin e Madh.

Mauzoleumi përmban një sarkofag të thyer të përbërë me xham të kristaltë , 37 eshtra, përgjithësisht shumë të dëmtuara, me sa duket të gjitha i përkasin të njëjtit person mashkull dhe disa qeramika të thyera që datojnë nga epokat Ptolemeike dhe Romake. Një analizë datimi dhe një seri testesh të tjera do të përcaktojnë moshën e eshtrave si dhe nëse ato i përkasin perandorit maqedonas.

http://worldnewsdailyreport.com/egypt-archaeologist-could-have-discovered-the-tomb-of-alexander-the-great/

(28 prill 2014)