Vende po aq të mistershme sa trekëndëshi i Bërmudave

Vende po aq të mistershme sa trekëndëshi i Bërmudave



Mendoni se Trekëndëshi i Bërmudëve është i vetmi vend që bart mistere. E...po nuk është kështu. Ju prezantojmë disa të tjera që janë po aq të mistershme se ai i Bërmudëve
Deti i Djallit ose Trekëndeshi i Dragoit

Deti i Djallit ose Trekëndëshi i Dragoit është një zonë në Oqeanin Paqësor që është i mbushur më ngjarje të çuditshme. Pranë brigjeve të Japonisë, ka qene vendi i deklaratave të panumërta për fenomene të pashpjegueshme, duke përfshire anomali magnetike, objekte dhe drita të pashpjegueshme, dhe sigurisht edhe zhdukje misterioze. Zona është e konsideruar si e rrezikshme nga autoritetet e peshkimit Japonez. Një histori tregon që në vitin 1952 qeveria japoneze ka çuar një mjet kërkimi për të hetuar misteret e Detit të Djallit. Kuptohet që mjeti i kërkimit dhe ekuipazhi i tij prej 31 personash nuk u panë më. Një histori tjetër tregon për përpjekjet e Kublai Khan për të pushtuar Japoninë duke kaluar nëpër Detin e Djallit, e duke humbur të paktën 40000 njerëz në këto përpjekje. Ndërkohe teori të ndryshme hidhen në lidhje se çfarë ndodh aty: që nga alienët, deri në dyer për në universe paralele. Disa sugjerojnë që aktiviteti i lartë vullkanik në rajon është përgjegjës për disa prej zhdukjeve.

Point Pleasant (Pika e këndshme)

Point Pleasant (Pika e këndshme) me siguri që është quajtur me vend kështu në një farë pikë, por tani është i mbushur me tregime të ngjarjeve misterioze dhe të frikshme dhe emri i tij tani nuk është gjë tjetër vetëm një aliteracion ironik. Më e njohura prej këtyre ngjarjeve përfshinë një krijesë të njohur si Mothman, që thuhet se ka terrorizuar komunitetin e Virginia-s Perëndimore që nga nëntori 1966 e deri në dhjetor 1967. Më shumë se 100 qytetarë të ndryshëm të Point Pleasant janë dëshmitare okulare të kësaj krijesë të tmerrshme. Mothman që kanë qenë subjekt i një libri dhe një filmi, dhe që ka statujën e tij në Poin Pleasant, ka pasur shumë shpjegime të ndryshme. Disa besojnë që është një jashtëtokësorë, ndërsa ka të tjerë që besojnë që është një mutantë. Çfarëdo të këtë qenë, raportimet për Mothman-in ndaluan pasi Ura e Argjendtë u shemb më 15 dhjetor të vitit 1967 duke vrarë 46 persona dhe që bëri që shumë të besonin që ngjarjet të ishin të lidhura në një farë mënyrë. Përveç Mothman-it, edhe shumë përralla të tjera paranomale nga Point Pleasant përfshijne shfaqje të UFO-ve dhe të raportime të të ashtuquajturve "Burra më të Zeza".

Ferma Bigelow

Ferma Bigelow, me parë e njohur si Ferma Skinwalker dhe Ferma Sherman, është një pronë prej 480 akrash në veriperëndim të Utah e që është zonë e mbushur me shfaqje UFO-sh, gjymtim kafshësh dhe ngjarje të tjera të çuditshme. Megjithëse ngjarje të çuditshme janë dokumentuar që në vitet 1950, disa prej historive më të çuditshme u ndodhen një çifti fermerësh, Terry dhe Gwen Sherman pasi ata blenë fermën në vitin 1994. Shërmanet ishin vazhdimisht të përndjekur nga ngjarje të frikshme si shfaqje UFO-sh, ngjarje të pashpjegueshme dhe masakrime të pashpjegueshme kafshësh. Situata ishte aq e padurueshme për ta, sa në vitin 1996 ata ia shiten fermën e tyre Robert Bigelow, themeluesit të National Institute for Discovery Science, i cili dëshironte të studionte misteret që rrethonin fermën. Bigelow është pronar i fermës edhe në ditët e sotme dhe NIDS i mban shumë të fshehta zbulimet e tyre.