A është kjo fotoja origjinale e jashtëtokësorit (Foto)

A është kjo fotoja origjinale e jashtëtokësorit (Foto)

Hulumtuesi i UFO (objekteve të paidentifikuara fluturuese – OPF) pohon se e ka në duar fotografinë autentike të qenies jashtëtokësore që gjoja është bërë pas obduksionit në bazën e dikurshme sekrete të njohur me “Zona 51”.

Tom Carey thotë se fotografinë e ka marrë në film dhe se ekspertët nga Kodak i kanë konfirmuar se ajo rrjedh nga viti 1947, po vitin kur gjoja kishte ndodhur rënia e famshme e pjatës fluturuese në afërsi të Roswel, në shtetin New Mexico, transmeton “jutarnji.hr”, përcjell Koha net.
"Ia kemi dërguar filmin kronistit zyrtar të Kodakut në Rochester në shtetin New York. Ai e ka bërë analizën dhe përfundimisht ka thënë se filmi është i vitit 1947", thekson Carey dhe shton se kronisti i kishte konfirmuar se ishte pamundur të bëhej fjalë për ndonjë montim.
"Ky është origjinali nga viti 1947 e në të është jashtëtokësori në pozitë të shtrirë", shton Carey.
Ai është i bindur se krijesa në foto është e gjatë 1 metër e 20 centimetra, e për kokën e tij thotë ta ketë formën pothuaj insektoide.
"Koka është e prerë, është bërë obduksioni i pjesshëm, organet e brendshme janë hequra e besojmë që trupi i tij të jetë balsamuar, së paku në kohën kur është bërë fotoja", rrëfen Carey, i cili foton duhet t’ia tregojë më vonë opinionit.
Megjithëkëtë, ashtu si ndodh rëndom me këto rrëfime, u paraqitën edhe dyshime. Nidgel Wotson, autor i librit për UFO-t tërheq vërejtjen se rëndom kur dikush premton se do ta paraqesë dëshminë kryesore për ekzistimin e jashtëtokësorëve, ai në fund ofron dëshmi aspak bindëse.
"E nëse jashtëtokësorët vërtet kanë qenë në Roswel, kjo do të ishte ngjarje vendimtare dhe nuk mund të mendoj se autoritetet kanë mundur ta mbajnë të fshehur këtë deri më tash ", thotë Wotson.