Disa fakte interesante rreth Gruas më të Fuqishme në Botë

Disa fakte interesante rreth Gruas më të Fuqishme në Botë



The New Yorker në numrin e muajit dhjetor e ka publikuar një profil të zgjeruar të Kancelares gjermane Angela Merkel dhe ne kemi shkëputur disa detaje.

1. Merkel duket e këndshme por në të vërtetë është egërsisht ambicioze:
Në vitin 1999, kur ajo ende nuk ishte politikane e vijës së parë, ndihmoi që t'i jepej fund karrierës së gjatë politike të atëherë Kancelarit Helmut Kohl, duke i ngul thikën pas shpinës njeriut që e kishte ndihmuar që të vinte në sytë e publikut.
Në disa muaj Merkel ishte zgjedhur kryetare e partisë duke e detyruar Kohl që të tërhiqej.
"Ajo do fuqi. Vetë e solla vrasësin tim, futa gjarprin në krahët e mi", kishte thënë më vonë Kohl.
2. Merkel e flet rusishten, që e ndihmon të arrij marrëveshje me Putin:
Përkundër miliona gjermanëve të tjerë që përpiqeshin të iknin nga lindja, babai i Merkel u shpërngul në Gjermaninë Lindore ku edhe e mësoi gjuhën ruse Merkel. Ky i jep asaj një pozicion unik në raport me Vladimir Putin.
3. Merkel i urren qentë:
Gjatë takimit me Putin në vitin 2007, Presidenti rus e kishte sjellë në dhomë qenin e tij. Raportohet se Merkel frikësohet nga qentë dhe ky veprim i Putin ishte bërë pikrisht për këtë qëllim.
Pas kësaj, shtypi gjerman kishte reaguar por Merkel kishte një përgjigje historike:
"E kuptoj pse ai e bëri këtë - të provoj se është burrë. Ai frikësohet nga dobësitë e tij. Rusia nuk ka asgjë, nuk ka politikë ose ekonomi të suksesshme. Gjithë çfarë ata kanë është kjo", kishte theksuar Merkel.