Biçikleta inteligjente e krijuar në Holandë [VIDEO]

Biçikleta inteligjente e krijuar në Holandë [VIDEO]

Kemi parë makina inteligjente, telefona inteligjentë dhe shtëpi inteligjente- ka ngelur ndonjë pajisje që nuk përfundon me fjalën “inteligjente”? Po, biçikleta deri tani nuk ka qenë inteligjente, por që nga tani e tutje do të përdoret edhe togfjalëshi “biçikleta inteligjente”.

Holanda ka prezantuar “biçikletën inteligjente” të parë të këtij lloji, ku kjo pajisje unike me dy rrota do të vijë me një sërë pajisjesh elektronike që do të ndihmojnë në uljen e normës së aksidenteve në Holandë, një shtet që përdor shumë biçikletat.
“Kjo biçikletë inteligjente” është krijuar posaçërisht për qeverinë nga Organizata e Holandës për Kërkime Shkencore të Aplikuar (TNO). 

Ajo do të fuqizohet nga elektriciteti dhe është pajisur me radar dhe kamera të vendosura në parafangon e pasme. Një version i kësaj biçiklete do të krijohet pas dy vjetësh për të gjithë përdoruesit dhe mund të kushtojë rreth 1700 euro deri në 3200 euro. Të dyja pajisjet zbuluese që ndodhen në biçikletë do të lidhen me një kompjuter, ndërsa një sistem vibrues në biçikletë do të jetë në gjendje të njoftojë çiklistët për një rrezik të mundshëm. /krokodili.al/