Organizma të gjalla në thellësitë e Tokës

Organizma të gjalla në thellësitë e Tokës

Një kërkim në thellësitë e nëntokës në gadishullin Shimokita në Japoni ka gjetur organizma të gjalla.

Kërkimi gjeti mikroorganizma në thellësinë 2400 metra në detin japonez.
Organizmat njëqelizorë jetonin megjithëse u mungonte oksigjeni, drita dhe kishin shmë pak ujë.
“Ne vazhdimisht kërkojmë për forma të ndryshme jete dhe gjithmonë çuditemi me ato që gjejmë”, tha Elizabeth Trembath-Reichert, drejtuese e këtij projekti.
Kërkimi u realizua në gadishullin japonez në vitin 2012 dhe sonda gërrmuese u fut në thellësinë 2 mijë e 446 metra ku arriti të gjejë mikroorganizma të gjallë.
Ato u morrën në anije ku dhe u bënë analizat, dhe megjithë mungesën totale te dritës dhe oksigjenit, këto mikroorganizma arritën të mbijetonin fare mirë.
Kërkimi u bë pikërisht në këtë zonë pasi kishte përmbajtje të lartë karboi, i cili mund të jetë një ushqim mjaft i dobishëm për mikroorganizmat.
Nga analizat u vërejt se këto gjallesa kishin një metabolizëm shumë të dobët dhe përdornin shumë pak energji, aq sa mund të gjenin në atë zonë të thellë.
“Studiuesit janë duke kërkuar nëse ka mikroorganizma të tjerë që jetojnë dhe a kanë tipare dominuese apo janë pasive si këto mikrogjallesa që u gjetën.
Sipas shkencëtarëve këto gjallesa pasi ushqehen me karbon shpërndajnë gazin e metanit duke luajtur një rol tejet të rëndësishëm në ekosistem, megjithëse nuk ëshët kuptuar ende se si kanë mbërritur aty, kanë “ngecur” apo janë gjallesa që pëlqejnë të depërtojnë në thellësinë e tokës.