Gjendet uji miliarda vjeçar

Gjendet uji miliarda vjeçar

Volumi i ujit më të vjetër në tokë që gjendet në brendësi të kores së Tokës është më i madh se çmendonin shkencëtarët.

Uji, i cili mendohet se është miliarda vjeçar, u gjend disa kilometra në brendësi të tokës,
Sasia e ujit që u gjend është rreth 11 milionë kilometra katrorë dhe është më e madhe sa gjithë sasia e oqeaneve dhe deteve që gjenden mbi sipërfaqen e tokës.
Uji bashkëvepron me shkëmbinjtë duke lëshuar hidrogjen, një burim potencial ushqimi.
“Është një studim i rëndësishëm pasi mund të nxjerrim të dhëna për epokën e hershme të tokës. Nuk e mendonim se uji ishte në sasi kaq të mëdha. Gjithashut këto informacione të mbledhura na japin informacione për kiminë që mund të mbështesë jetën”, tha Barba Sherëood Lollar, njëra prej studiuesve.
Shkëmbinjtë ku është gjetur uji janë ndër më të vjetrit në Tokë dhe janë ata që kanë formuar kontinentet.
Edhe uji i gjetur është pothuajse aq i vjetër sa shkëmbinjtë të cilët datojnë miliarda vjet më parë.
Uji i gjetur në nëntokën e Kanadasë në thellësinë 2.4 kilometra mendohet se është nga 1 deri në 2.5 miliardë vite i vjetër.
“Ishte një surprizë e madhe për mua vjetërsia e këtij uji. Nuk ishte surprizë gjendja e ujit, por vjetërsia e tij dhe sasia e madhe në të cilën gjendet”, tha Chris Ballentine, një prej studiuesve.
Studimi u krye si pjesë e programit “Deep Carbon Observatory”, i cili studion sa hidrogjen prodhohet në nëtokë.
“Duam të ndjekim këtë hartë thesari për të kuptuar jetën në hidrosferë dhe vjetërsinë e ujit. Mendonim se prodhimi i hidrogjenit nën tokë ishte afër zeros, por ky zbulim ishte befasues dhe shpresëdhënës për burimet jetike që mund të vijnë nga nëntoka”, tha prof. Lollar.