Politika kombetare ne kendveshtrimin qytetarë

Estilen shkruajti:

Dikush nuk ka dëshirë që Shqipëria t’i bashkohet Europës





Duhej që Parlamenti Gjerman të merrte në shqyrtim problemin “Shqipëri” dhe ai kishte bërë vetëm një seancë, sepse tashmë dihet se sapo kanë mbaruar zgjedhjet. Reagimi në botën e qytetëruar ka qenë jo politik dhe kjo ka qenë edhe kryesorja...pavarësisht se në Shqipëri i mëshojnë shumë problemit politik. Në Shqipëri duan...janë disa...që BE-ja dhe KE-ja.

Shqipërinë ta vonojnë, dhe për më tepër, ta ndërpresin punën sepse në pushtet është Berisha. Franco Frattini dhe Bild që në një farë mënyre janë sponsor, por edhe disa ministra të tjerë europianë...kanë kaluar gjithçka me çështjen teknike dhe jo me “politikën e ditës” në Shqipëri.

Jo si në një emision televiziv...ku zonja gazetare, gati sa nuk u përlot me dy të huaj maqedonas të “cilët merreshin vesh” kurse “ne jo” sipas saj, dhe sipas logjikës që respekton jashtë dhe mjaullit për brenda. Të një respekti mbi akselerimin e të keqes brenda. Me qindra shtysa nga brenda që problemi i “pranimit dhe shqyrtimit të kërkesës” të bëhej proces politik i Ministrave Europiane dhe mundësisht ti “viheshin kushte” Berishës dhe Metës, që politikisht të pranonin idenë e “zgjedhjeve të reneguara”...po të dala si pasojë e një veprimi renegat dhe ulëritës, për të ndyrë gjithçka.

Nuk është hera e parë...sepse edhe PD, si edhe PS, kanë vepruar dikur ashtu...në momente më të qarta e krize, vërtetë të thelluar. Nga disa testata të shtypit të përditshëm megjithëse kishte shumë pak vend që Ministrat të kishin thënë..vonesa është anë politike...janë përdredhur në virtualitetin e shprehjes....por pa pasur asnjë deklaratë të fortë pro “çështjes politike që pengon shqyrtimin e kërkesës së Shqipërisë”. Diku ka dalë edhe trajtimi i Hollandës...por ama as aty nuk del çështje drejtpërdrejtë, përveç faktit se presupozohet dhe thuhet qartë se në zgjedhje u plotësuan shumica e standardeve të kërkuara.

Më e bukura është se përveç Italisë është edhe Franca me anën e Kushnerit i cili i thotë homologut të tij gjerman Frank Ëalter Steinmeier se “nuk ishte e nevojshme të gjykohej politikisht një vend kur kalimi i dosjes në komision është gjest normal e teknik”. Kur edhe në Europë duhet të kenë një zë, atëherë edhe pengesat teknike, përbëjnë një “politikë” për ato pjesë të politikës shqiptare që “për inat të vjehrrës shkojnë të flenë më mullixhiun”.

Nuk ka unitet në Europë për Shqipërinë...kurse Frattini në të vërtetë “kërkon cdo gjë teknikisht” si për Maqedoninë jashtë dëshirave në politikën shqiptare që e kërkojnë Europën jo më Shqipërinë, por me njërën parti e cila mendon se “është mbi vendin e saj”. Por nuk është në fakt edhe “partia” që mendon kështu....!Më tepër është një pjesë e lidershipit që e do BE-në sipas medaljes së tyre të varur në qafën e dikujt që me shumë zor e prek pushtetin dhe mendon se në fakt e ka merituar atë.

“Nuk kanë unitet në Europë” për Shqipërinë...! Gati ky ishte lajmi i madh, që vërtetë nuk ishte aspak i vërtetë. Askush në Europë nuk u fokusua në “krimin elektoral” nuk u fokusua në “ndalimin e shqyrtimit të kërkesës”së PS-ja nuk është në parlament. Askush nuk ka vënë kusht deri tani...që Shqipëria do të penalizohet në integrimin Europian se PS-ja nuk është në Parlament. Askush në Europë nuk ka dërguar emisarë të fokusuar në “krimin elektoral”. Askush nga Europa nuk është çuar si në Parlamentin Europian dhe në Këshillin e Ministrave që ti vërë kushte Shqipërisë...se po nuk zgjidhi problemin e “kutive” nuk ka për të bërë një hap përpara në integrim dhe caqet e pranimit apo edhe vizave.

Askush nuk ka vënë qoftë edhe një kusht se ...do të pezullohen veprimet e tilla se...PS-ja dhe vendimet e saj...duhen të sheshohen.


Askush deri më tani në EU dhe US nuk ka dërguar qoftë edhe një mesazh të vetëm...se me zgjedhjet u prishën standardet ose u devijua vota saqë pastaj të veprohet me sanksione. Askush. Përkundrazi janë të mërzitur me marritë dhe gënjeshtrat tona. Të mërzitur me akuzat dypalëshe me vjedhje votash...ju ka humbur durimi dhe janë me gjykim të “shkurtër” për zgjedhjet sa që me gjithë mend, po të ndodhë që të vjedhim...të thonë “ishin të mira” vetëm e vetëm, të mos dëgjojnë shqiptarët, që akuzojnë e akuzojnë njëri tjetrin, në çdo gjë. Dikush nuk ka dëshirë që në Europë të kenë unitet, por kjo mbetet vetëm dëshirë. Nuk ka dëshirë se nuk është në pushtetin qendror...ndoshta!

Nuk ka dëshirë se i largohen privilegjet që sëpaku ajo pjesë e politikës i ka kurse populli...jo. Ndoshta nuk ka dëshirë se me “Europën thellësisht brenda” shumë tendera apo edhe iniciativë infrastrukturore...nuk do të jenë në duart e tyre. Ndoshta nuk duan se njerëzit do të bëhen akoma me menefregistë për tipat “autoritarë dhe sundues” duke mos i parë si deri me tani, si “gjysmë perëndi”. Por ndoshta edhe pse janë gjithmonë të mësuar jo vetëm me privilegjet..si dikur...por edhe me inatin që... si ka mundësi që nuk ishin ata që të deklaronin: Jam unë dhe ...partia ime...që ju bëri njerëz...more....! Unë dhe jo ai...nga veriu, sëbashku me atë nga jugu...por unë. E kjo do të ishte më e vogla. Më e falshmja...në përballje me dëshirën që shqiptarët nuk i do asnjëherë në Europë.

Estilen shkruajti:
''Shpëtimi Show'' dhe cështja Çame ne bulevardet dhe rrugët e Shqipërisë



Veprimtaritë mediatike e partisë së Shpëtim Idrizit, që ka në qeveri zëvendësministra, ndër të cilët të kulturës, i cili njëkohësisht drejton ankandin e shitjes së pikturave në një televizion, janë bërë me shpenzime jo të pakta, për pllakatet e video-koncertet folklorike në Bulevardin qendror të Tiranës, me tubime e intervista çfarë të kujton më shumë se gjithçka një show mediatik. Pse e themi këtë? Sepse nuk e kuptojmë ku është qëllimi i këtij manifestimi, çfarë do të realizohet me të, në sytë e kujt do të bjerë e kush do të reflektojë.

Sikur kjo të ishte bërë në Bruksel apo në New York para organizatës së Kombeve të Bashkuara, apo para pallatit të Gjykatës Ndërkombëtare të Hagës, vërtet do të kishte një kuptim dhe me siguri edhe efekte pozitive. Nuk besojmë se opinioni botëror e ka vëmendjen në Tiranë në këtë verë të nxehtë, kur pasioni i të gjithëve ishte mbërthyer në fushat e blerta të kampionatit europian të futbollit.

Nga ana tjetër nuk paraqet ndonjë risi as në Tiranë përveç se si një javë kulturore e zakonshme, sepse nuk ka shqiptar të mos dijë se çfarë është Çamëria, cila ka qënë masakra ndaj popullsisë shqiptare, si u vra, u dogj e u përzu një popull, i cili sot e kësaj dite e vuan atë genocid që u krye nga shteti grek ndaj tij. Çfarë do të mësojmë më tepër? Çfarë do të arrijmë me këtë koncert video-folklorik me zë buçitës në qendër të Tiranës dhe a ka ndonjë rrugë e mënyrë tjetër më efektive për të realizuar programin. Por më kryesorja a ka program dhe sa koherent jemi me realizimin e tij?

Shumë më mirë do t’i shërbente çështjes çame që ajo shumë parash të përdorej në ngritjen e çështjes çame në instancat ndërkombëtare duke mos lënë portë pa trokitur apo mundësi pa shfrytëzuar. Aq më tepër se problemi nuk ka ngecur në Tiranë, por në Athinë dhe Athina duhet të përballet me instancat e drejtësisë e humanizmit dhe në gjykatat ndërkombëtare. Asnjë influencë nuk kanë fjalimet e zhurmshme nëpër rrugë e sheshe apo dhe këngët folklorike në mes të zhegut të Tiranës.

Duhet të jemi më racionalë, të dimë çfarë të kërkojmë e të kemi një strategji të qartë. Çfarë mund të realizojmë me këto video-koncerte e banderola “I Love Çamëria!”. Ne mund të dalim e të themi sa të duam edhe “I Love Italia!”, “I Love Amerika!” sepse askush nuk na pengon në këtë dashuri. Kjo shprehje është ndjesi e jo program. Më së shumti shkruhen nëpër mure apo bluza të rinjsh e kaq.

Natyrisht edhe ajo ka vlerën e vet, por ama nuk ka të bëjë me një program strategjik të menduar mirë e për të cilin nuk ka pse të mos marrim edhe këshilltarë e juristë me emër në arenën ndërkombëtare. Sepse nuk mund ta mposhtim të keqen me berihaj, dhe me të keqe kam parasysh politikën mediokre greke që ndalon ish -shtetasit e vet, të përzënë këta në mënyrë të dhunshme nga trojet e veta etnike, pra i ndalon të kthehen sërish pranë tokës e shtëpive të tyre.

Në Greqi janë kthyer të gjithë komunistët e EAM-it të përfshirë në luftën civile e të ikur në Shqipëri, Poloni e Rusi. Nga këta të ikur ne kemi si kujtim të hidhur djegien e Bezistenit mesjetar të Shkodrës). Vetëm popullsia çame ka mbetur ende e dënuar të jetojë larg trojeve të veta. Rast unik në Europë e për faj të Europës që nuk e ndaloi dot genocidin grek ndaj popullsisë shqiptare.

Por kjo nuk mund të vazhdojë përgjithmonë. Në kushtet kur u shemb muri i Berlinit, si është e mundur të ekzistojë ende një mur që e ndalon popullsinë e vrarë, e dhunuar, të përzënë, të kthehet në trojet e shtëpitë e veta pikërisht në kushtet kur Greqia është anëtare e Bashkimit Europian ku inspirojmë të hyjmë edhe ne si shtet shqiptar. Kjo është një mynxyrë e një kohe tjetër mbetur peng në kohën tonë. Si mund ta lejojë Europa që pasojat e gjenocidit të vazhdojnë.

Mendoj se kështu do të mund të ngulmohet nëpërmjet asistencës së personaliteteve me influencë në fushën e drejtësisë e legjislacioneve ndërkombëtare për ta paraqitur çështjen çame në forumet dhe instancat euro-amerikane. Dhe aty duhen shpenzuar energji, madje edhe para sepse nuk janë pa rëndësi këto ndërmarrje.

Mirëpo sa kohë që Shpëtim Idrizi dhe partia e tij dalin në tubime të skenës politike shqiptare duke garuar në zgjedhje për në parlamentin shqiptar, duke bërë aleanca partiake për pushtet e duke vënë në ministri ithtarët e partisë, nuk besoj se kanë gjë në vijë, sepse kurrgjë nuk është në dorën e shtetit shqiptar dhe as të qeverisë shqiptare.

Nëse kërkesat e partisë së Shpëtim Idrizit janë thjesht kthim i çamëve në trojet e veta në Çamëri e jo bashkimin e Çamërisë me Shqipërinë nuk mund të inkludohen në luftë për poste qeveritare në Shqipëri, sepse kjo e konfondon krejt çështjen çame, dhe në sy të opinionit publik apo qendrave të vendosjes konsiderohet një çështje e mbyllur, sepse çamët janë inkluduar kështu tërësisht në sistemin politik e në jetën shoqërore shqiptare.

Përmbajtja konseguente në programin e kthimit të çamëve në Greqi, kërkon që ai dhe jo vetëm ai, por mbarë opinioni shqiptar të ngulmojë e të luftojë në atë qëllim në arenën ndërkombëtare. Ndërsa brenda në Shqipëri të bëjë organizimin e çamëve madje duke guxuar të krijojë zgjedhje në ekzil për deputet në Parlamentin e Greqisë, të bëjë grup parlamentar, e të flasë si deputet në emër të popullit të zbuar në një parlament të munguar.

Të gjithë e dinë historinë e fillimit të lëvizjes palestineze me krijimin e një fronti në ekzil, çfarë pati efektin e vet në arenën ndërkombëtare dhe e çoi çështjen drejt zgjidhjes, ani pse ende nuk është përfunduar plotësisht. Vetëm kështu do ta dëgjonin ndërkombëtarët, sepse askush në instanca ndërkombëtare nuk pranon të të dëgjojë si përfaqësues i popullsisë së dëbuar çame nëse paraqitesh si një deputet i parlamentit të Shqipërisë që e ka juridiksionin vetëm brenda territorit të shtetit shqiptar.

Flet si qytetar i këtij vendi, i përmbahesh ligjeve të këtij shteti dhe marrëveshjeve që ky shtet ka me fqinjët e jugut, ndërkohë që shteti grek e ka më të lehtë të mohojë e të lozë me fjalët ndërhyrje në punët e brendshme.

Manovrat që bën Athina duke e paraqitur të munguar edhe emrin Çamëri në shtetin grek, nuk bëhen pa qëllim por për ta bërë çështjen çame të paqenë, sikur në Greqi nuk ekziston një vend me emrin Çamëri. Po ne nuk ka pse të jemi aq të ngurtë, fundja le ti përgjigjemi me agresivitet mohimit për t’ua bërë më të padurueshme situatën. Le t’ia bashkëngjisim emrin Çamëri-Thesproti, sepse janë e njëjta gjë.

Aq më tepër që kur të huajt dëgjojnë për Çamërinë, nuk arrijnë ta identifikojnë as vendin ku ndodhet. Fundja le t’i ndihmojmë ata dhe t’i bëjmë grekëve me dije se nuk hiqemi nga udha e kthimit.
Sensibilizim i instancave ndërkombëtare në mënyrë të vazhdueshme e pa u lodhur kurrë, mendojmë se vetëm kështu mund të krijohen premisat e kthimit.

Përkundrazi kjo mundësi të duket iluzive në këtë mënyrë siç e konceptojnë strategjinë dhe taktikat në partinë e Shpëtim Idrizit me shokë, të cilët duan t’i flasin e t’i kërkojnë Greqisë nëpërmjet foltores së parlamentit shqiptar, gjë që nuk sjell asnjë efekt dhe krijon konflikte në mes të dy shteteve, çfarë as Europa dhe as Amerika nuk e mbështet. Të mos harrojmë fuqitë e mëdha nuk duan të hapen vatra të reja konfliktesh në Ballkan, aq më tepër kur gacat nën hi në mes të Ankarasë e Athinës rrinë ndezur e janë gati për t’u përflakur.

Për të mos mbetur çështja çame në udhëkryq, theksojmë ka dy rrugë të mundshme. Nëse i përmbahet vetëm programit të kthimit, të dalin si përfaqësues të një populli të zbuar e të zgjedhin deputetët e vet sa herë Greqia bën zgjedhje, duke u konsideruar në ekzil si pjesë e parlamentit grek e si të tillë të paraqiten në forumet ndërkombëtare.

Kjo do të ishte një sfidë e papërballueshme nga qarqet greke. Mund të paraqiteshin në emër të çamëve në të gjitha instancat ndërkombëtare madje do t’i dërgoheshin peticione edhe presidentit grek. Kjo do të bënte më shumë efekt se sa të dalësh si deputet i parlamentit shqiptar në një koalicion qeveritar qeverisës, ku do nuk do, je nën presion të dyfishtë si të brendshëm e të jashtëm dhe gjithnjë do të mbetesh me një program të cunguar e me një veprimtari të kushtëzuar nga politika qeveritare e cila nuk guxon t’i bjerë ndesh Europës.

Në të kundërt, nëse mundësitë e kthimit bëhen gjithnjë e më të pashpresa, nëse qendrat e vendosjes, ashtu dhe Greqia dhe Europa e bëjnë veshin shurdhër, vetvetiu si reaksion lindin format e forcat radikale, shpeshherë jashtë kontrollit, duke përdorur çdo mjet të mundshëm legal a jo, duke sensibilizuar opinionin e qarqet ndërkombëtare për bashkimin e Çamëri-Thesproti me Shqipërinë, në pamundësi për zgjidhje tjetër.

Greqia këtë territor Çamëri-Thesproti, ku historikisht me shekuj kanë jetuar shqiptarët, e ka marrë në një luftë agresive dhe me një marrëveshje e vendim të turpshëm të fuqive të mëdha në dëm të Shqipërisë, pasi kjo e kishte shpallur pavarësinë, çfarë i jep të drejtën e kërkesës së rishqyrtimit të konferencave e vendime që i copëtuan padrejtësisht trojet shqiptare.

Këto vendime arbitrare në Konferencën e Londrës krijuan kushtet për precedentin ku fqinjët e jugut të ndërmerrnin genocidin mbi popullsinë shqiptare në territoret e okupuara, se ne ashtu duhet t’i konsiderojmë, jo vetëm në rrugë akademike por edhe politike.

Por kauza çame nuk ka qenë e as është çështje këngësh e vallesh (siç e konceptonte sistemi diktatorial në Shqipëri për pesëdhjetëvjet), por e të drejtës ndërkombëtare dhe humane sepse siç e thamë, ndaj atij populli është bërë një krim me përmasa genocidi e gjithë kjo në mes të Europës, e cila heshti dhe ka për detyrim të reflektojë.

Çfarëdo që të bëjmë në bulevardin e Tiranës e në “Qafën e Botës”, prej kaq larg Bota nuk na dëgjon, e, për të shkuar në Greqi, çamët duan apo nuk duan do të kalojnë nëpërmjet Europës, prandaj duhet të trokasim në dyert e saj me durim e guxim, edhe sikur t’na vriten e copëtohen duart, e në është e nevojshme t’i shkallmojmë ato dyer që ne shqiptarëve edhe sot e kësaj dite na ngjallin imazhin e Murit të Berlinit.

ufo shkruajti:

Estilen shkruajti:
''Shpëtimi Show'' dhe cështja Çame ne bulevardet dhe rrugët e Shqipërisë

Erdhi deputeti grek në Himarë, bëri propogandë të hapur antishqiptare dhe se ''ngacmoi'' njeri nga shteti ynë lavire, përkundrazi dje njerit prej gazetarëve të rëndësishëm të Top Medias z Marin Mema ju ndalua hyrja përjetsisht në shtetin grek. A nuk ka ardhur koha se mirësisë duhet përgjigjur me mirësi e ligësisë me ligësi, shteti ynë e ka bërë veshin e shurdhër, Ministria e Jashtme nuk denjoi as për notë proteste në kuadër të të drejtave për shtypin e lirë dhe lirisë së lëvizjes, shteti ynë vazhdon të vegjetojë për turpin e vet të madh, mëkate që një ditë do i paguajë shtrenjtë.